El Teixu, Rede pal Estudiu y Defensa de la Llingua Asturllionesa, llevóu esti fin de sumana á comarca de Senabria a súa campaña de retulación de locales públicos, desenvolvida baixo’l títulu “Na llengua de casa”. Esta iniciativa, que quier facer visible l’asturllionés nos espacios de socialización cotidiana, de maneira qu’a llengua estía presente con normalidá, yá se desenvolvíu con gran éxitu en comarcas llionesas como Ḷḷaciana, El Bierciu, Maragatos o Cabreira.
Con el obxectivu de visibilizar l’asturllionés en Senabria, miembros y colaboradores d’El Teixu están repartindo de balde, cona ayuda del asociación El Huerto del Pozo, dous tipos distintos de carteles entre os comercios y establecimientos públicos da zona. Os primeiros sirven pa indicar se os locales están abiertos o pechaos (¡Pasái! Esti sitiu está abiertu / Sentímoslo, esti sitiu está pecháu) y outros distinguen os baños de mulleres y homes (cona variante muyeres y hombres pá Senabria más oriental). Están disponibles con diseños y colores variaos pa poder adaptarse mellor á estética de cada sitiu.
A campaña de normalización “Na llengua de casa” inicieuse no 2013 con gran éxitu no concellu llionés de Torenu, y extendieuse por as comarcas de Ḷḷaciana, El Bierciu, Maragatos y Cabreira, a mayores de por os concellos de Palacios y Páramu. Con el repartu en Senabria, esta iniciativa, adaptada ás distintas variedades da llengua, chega a os falantes d’asturllionés da provincia de Zamora, onde tamién se pretenden repartir carteles por Aliste y La Carbayeda.
Nas comarcas onde l’asturllionés ye llengua propia, como aqueilla na que se desenvuelve esta campaña, l’idioma vive principalmente “en casa”, ausente de rétulos y señalizaciones públicas. Nesas circunstancias ye frecuente confundir os efectos conas causas, y mueitos falantes chegan a pensar qu’a súa llengua materna nun val pa usarse nos ámbitos públicos o formales, o mesmamente na escritura. Por esa razón, parece necesario fomentar a visualización da nuesa llengua a fin d’amostrarla abiertamente y con dignidá, superando desprecios y vergüenzas antiguos que tienen que quedar barríeos definitivamente d’una sociedá qu’ha de mirar al futuru sin facer de menos a cultura popular heredada das xeneraciones que nos precedionen.
Con esta campaña, El Teixu quier dar un pasu más na súa defensa da llengua asturllionesa, amostrando non solo qu’esta sigue viva ente os senabreses, senón tamién qu’hai xente dispuesta a usarla y visibilizarla se se-les dan as oportunidades pa eillo. Esti llabor, que debieran estar facendo a Xunta de Castiella y Llión y outras alministraciones públicas, queda güei en manos da voluntá y l’esfuerzu das asociaciones, pero non por eillo El Teixu vai faltar al sou compromisu cona llengua asturllionesa y os sous falantes.
- Fuente y más info: http://elteixu.org
