Qué difícil resumir todu’l cariñu y las atenciones que tuvimos no V Filandón Bercianu en Santa Marina de Torre.
![](https://i0.wp.com/www.enredando.info/wp-content/uploads/2017/11/richard-768x576.jpg?resize=450%2C338&ssl=1)
Fotografía: Faceira
La “Casa Museo” de Santa Marina (un sitiu con un encantu especial, un gran descubrimientu) ye un sitiu pequeñín n’espaciu pero enorme en trabayu comunal y sentimiento de pertenencia.
Un sitiu no que presta estar y no que la Asociación Cultural la Carqueixa demuestra que con trabayu y xunidá, todu ye posible, como organizar eventos culturales nun pueblín bercianu, o defender la cultura llionesa llevando a xente de tódala contorna a sentir falar en llionés d’hestioria y toponimia a un sitiu tan guapu como Santa Marina.
![](https://i0.wp.com/www.enredando.info/wp-content/uploads/2017/11/airespilar3-768x508.jpg?resize=450%2C298&ssl=1)
Fotografía: Faceira
Dempués de la presentación del evento por parte de la A.C. la Carqueixa, entamóu’l filandón cono presidente de Faceira, Ricardo Chao falando de la historia de Llión.
Dempués Fernando Álvarez Valbuena (xunto conos asistentes al filandón) repasoron la toponimia berciana nun filandón tan prestosu como participativu.
La A.C la Carqueixa tuvo el gran detalle de facenos un regalu guapísimu: Una boina cono escudu’l pueblu. ¡Muitas gracias, compañeiros!
Y como siempre rematamos con castañas, vinu y música: Fernando y el resto del grupu “Aires del Pilar de La Ribera” Cantoron, bailoron y ficienon bailar a la xente poniendo’l ramu a uno de los filandones más prestosos y participativos de las cinco ediciones.
Gracias al pueblu de Santa Marina por facenos sentir en casa. Entamamos ya a trabayar pa que’l VI filandón bercianu seya igual de prestosu.
Fuente, fotografías y mas info: http://faceira.org