¿Quieres que nun se pierdan esas palabras qu’escuitas a los mayores? ¿que nun desaparezan los cantares viechos del tou pueblu? ¿que sigan usándose los nomes de los montes, regueras, fuentes ya caminos qu’ouyisti siempre en casa?
Nesti II Cursu d’Encuestadores de la Tradición Oral en Ḷḷión vamos enseñate los métodos de trabachu ya qué ferramientas puedes utilizar pa recocher toda esa información que forma parte de la cultura de la túa tierra.
Esta segunda edición faémosla en Viḷḷablinu pa colaborar na recuperación del padremuñu oral d’unu de los territorios que conservan mechor las súas tradiciones: Ḷḷaciana, Babia, Palacios, Páramu, Torenu, Oumaña ya tamién los concechos asturianos vecinos de Cangas, Degaña ou Somiedu. La montaña noroccidental ḷḷionesa inda guarda muitos tesouros qu’estamos a tiempu de rescatar ya qu’esperan que los descubras. ¿Anímaste?
Esti cursu yía d’iniciación ya está orientáu a toda la xente que tenga interés na encuestación. Nun fai falta tener una formación previa na materia.
Sitiu: Campus Sierra Pambley (Vil.lablinu, L.lión)
Duración: 40 horas (20 teóricas ya 20 prácticas)
Fechas: 23 ya 24 de setiembre ya 7, 8, 21 ya 22 d’outubre del 2017 (mañanas de 10:30 a 14:00 ya tardes de 16:00 a 18:00)
Preciu: 20€ (cubre matrícula ya gastos de tresporte nas prácticas. L’importe de la matrícula puede abonase fayendo una tresferencia ou un ingresu na cuenta bancaria ES43 0030 7008 67 0002506271 del Banco Santander (conceptu: “matrícula”), ou pagase directamente no restaurante La Tintorería de Viḷḷablinu)
Programa:
La toponimia tradicional: conservación popular ya deturpación oficial
[Fernando Álvarez-Balbuena – 2 horas]
Literatura de tradición oral en Ḷḷión
[Nicolás Bartolomé Pérez – 4 horas]
Pervivencia de la cultura tradicional na actualidá
[Xosé Antón Fernández «Ambás» – 2 horas]
Nociones básicas de dialectoloxía asturḷḷionesa
[Fernando Álvarez-Balbuena – 4 horas]
Metodoloxía de la encuesta lingüística de campu
[Fernando Álvarez-Balbuena – 2 horas]
Metodoloxía de la encuesta en campu n’etnomusicoloxía ya literatura oral
[David Álvarez Cárcamo – 2 horas]
El deseñu de la investigación de campu: obxectivos, preparación del cuestionariu ya tratamientu de los datos
[Ramsés Ilesies Fernández – 2 horas]
Panorama históricu de los trabachos lingüísticos de campu
n’Asturias ya Ḷḷión
[Fernando Álvarez-Balbuena – 2 horas]
Clases prácticas d’encuestación na montaña noroccidental ḷḷionesa
[Fernando Álvarez-Balbuena, David Álvarez Cárcamo ya
Andrés Menéndez Blanco – 20 horas]
Fecha de inicio: 23-09-2017
Fecha fín: 22-10-2017
Lugar: Campus Sierra Pambley. Villablino
