Andecha Astur convoca pa esti sábadu 25 d’agostu en Tarna, el tradicional actu d’homenaxe a la Declaración pola que’l Conseyu d’Asturies y Llión proclamábase Soberanu ya independizábase a tolos efeutos de la República Española.
Fotografía: Martínezld
Esti añu l’actu tendrá dos partes estremaes: A les 11:00 procederáse a xubir a les trincheres de L’Abidular dende onde l’exércitu del Conseyu Soberanu defendió’l país frente a les tropes franquistes, y a les 13:30 delantre’l monumentu que fai alcordanza d’esta hestórica declaración del 24 d’agostu de 1937, aniciu d’una auténtica República asturiana y llionesa.
Con esti actu homenaxease la hestórica declaración, fecha’l 24 d’agostu de 1937, pola que’l Conseyu d’Asturies y Llión declarábase soberanu ya independiente de la República Española:
Fotografía: Martínezld
Esta proclamación soberanista que permitió qu’Asturies entamare un auténticu procesu revolucionariu y se defendiera heróicamente del exércitu facista español/italianu/alemán, enxamás nun cuntó cola aprebación de la República española, que llegó a considerar un alliviu l’acupación d’Asturies poles tropes facistes.
Fotografía: Martínezld
Pa facilitar la participación ta faciéndose por contratar un autocar, si tas interesáu/ada ponte en contautu con nós nel mail andechainfo@gmail.com
Programa
- 11:00 horas: Ascensu a les trincheres de L’Abidular
- 13;30 horas: Homenaxe delantre’l monumentu del Conseyu Soberanu
Fecha de inicio: 25-08-2018
Fecha fín: 25-08-2018
Lugar: Puerto de Tarna
