Los cambios políticos nas postreras décadas, la puxanza del liberalismu económicu, los procesos de globalización, la preponderancia del nacionalismu español y l’amenaza de nuevos trataos comerciales están configurando realidades sociales y escenarios políticos desemeyaos. Nesi sen, la esquierda llionesa afronta una situación novedosa, col arcu políticu atomizáu y la capacidá de decisión de la sociedá llionesa menguada, desfeita ou directamente substraída.

La continuidá del réxime del 78 en tódalas suas formas, incluída l’autonomía de Castiella y Llión, y el respaldu de los partidos políticos (los sucursalistas y los llioneses), torgoron el desenvolvimientu de la sociedá llionesa, samargullada nuna crisis de carácter estructural que vai acullá de lo meramente económicu, pa fundir las suas reíces na nuesa propia identidá cumo puebru.

Nuna escala más global, dende un pensamiento decolonial, ye tamién necesario abordar tódolos eixes d’opresión que nos asitian no marcu de lo subalterno. El patriarcáu, el desarrollismu, la discriminación por rezones de raza ou llengua… Todo ello fincáu a favor de lo hexemónicu y que golpea con desemeyadas intensidades pero siempres de xeitu transversal a la sociedá llionesa.

Por ello, cremos axeitada la creación d’espacios d’alcuentru au podamos debatir estas problemáticas y aportar soluciones propias dende’l marcu d’una esquierda que vea necesario articular a la sociedá llionesa cumo subxectu políticu, superando las artificiales y impuestas fronteras administrativas.

Asina, convocamos a aquellas organizaciones, entidades, partidos políticos, plataformas y ciudadanía en particular, al I Conceyu de la Esquierda Llionesa, a celebrar nel Atenéu Varillas de la ciudá de Llión durante los días 14 y 15 d’outubre de 2017.

Programa

Veleiquí’l programa d’actividades que se desenvolverán a lo llargo del I Conceyu de la Esquierda Llionesa durante los días 14 y 15 d’outubre nel Ateneo Varillas de la Ciudá de Llión.

Tódalas actividades son abiertas al públicu, sacante las mesas de trabayu nas que ye imprescindible inscribise nellas previamente de baldre nos enganches detallaos no programa.

SÁBADU 14 D’OUTUBRE

• 10,00. Recepción de participantes, presentación de l’actividá y colectivos.
• 11,00. PONENCIA: El futuru del progresu rural (Militancia d’Agora País Llionés)
• 12,30. PONENCIA: Destrucción del patrimoniu llionés (Miryan Rodríguez. Xuntanza)
• 14,00. Xanta colaborativa entre tódalas asistentes.
• 16,00. Mesas de trabayu.
  – Participación y emancipación de la muyer llionesa (Anticapitalistas).
  Inscripción necesaria nesti enganche.
  – La Mocedá no País Llionés, presente y futuru (Ruchar, Mocedá Llionesa).
  Inscripción necesaria nesti enganche.
  – Soberanía Alimentaria (La Zaranda Agroecológica).
  Inscripción necesaria nesti enganche.
• 18,00. Pousa.
• 18,30. PONENCIA: Desmoronamiento del estado capitalista y autogobierno (Dr. Andrés Piqueras, Universitat Jaume I, Catelló de la Plana).

DOMINGU 15 D’OUTUBRE

• 10,00. Recepción de participantes.
• 11,00. MESA REDONDA: Situación, retos y desafíos de la crase obrera llionesa. Intervienen Xosepe Vega, Secretariu Xeneral de Comisiones Obreras de Llión y Enrique Reguero, Secretariu Xeneral d’UGT de Llión.
• 12,30. PONENCIA: Dereitu a decidir y procesu constituyente no País Llionés (Xuan Getino, Xuntanza).
• 14,00. Xanta colaborativa entre tódalas asistentes.
• 16,00. Mesas de trabayu.
  – Fueya de ruta (Agora País Llionés).
  Inscripción necesaria nesti enganche.
  – El llobu ibéricu, símbolu llionés en peligru (Xuntanza).
  Inscripción necesaria nesti enganche.
• 18,00. Pousa.
• 18,30. Elaboración y lectura d’un documentu final concordáu entre tódolos colectivos.